Утре, 9 август, во 20:00 ч., во „Концепт 37“ ќе се одржи хуманитарна изложба во која ќе учествуваат повеќе од 20 уметници (сликари, графичари, цртачи, писатели, дизајнери на накит) од неколку македонски градови, со цел да се соберат неопходните финансиски средства за помош на жртвите од поплавите.
Уметниците се организираа самите преку социјалните мрежи и ќе донираат свои дела на оваа продажна хуманитарна изложба.