Од денес во тек се градежните активности за изградба – на новата киносала до Центарот за култура „Марко Цепенков” на просторот на сегашниот ресторан.
Од Министерството за култура се обезбедени преку 200 илјади евра за набавка и инсталирање на најсовремена опрема со сите придружни содржини.
Според градоначалникот Ристески, соработката меѓу локалната самоуправа и Министерството за култура продолжува.Неодамна Министерството за култура финансираше неколку проекти во Центарот за култура во вредност од 7,5 милиони денари.
При недоамнешната посета на министерката Канческа-Милевска во Центарот за култура „Марко Цепенков”, беше предаден новиот дигитален проектор,а во иднина се очекува да започне реконструкцијата на салата и нејзино комплетно внатрешно реновирање на ентериерот и екстериерот.Во рамки на киното ќе има и кафетерија, како што најавуваат од локалната самоуправа – за сè да биде по европски стил.