Две изведби на балетот „Оревокршачка“ во МОБ

Од:

Македонската опера и балет вечер и на 2 февруари (сабота) од 20 часот ќе ја изведе балетската претстава „Оревокршачка“, која на светските сцени е меѓу најпопуларните и најизведувани дела на музика на Петар Илич Чајковски.

Улогата на Клара во вечерашната изведба ќе ја толкува Марија Кичевска-Шокаровска, а в сабота – Мими Поп Алексова-Атанасовска. Во ликот Принц ќе настапи Бобан Ковачевски, а Мала Клара ќе биде Бојана Арсовска.

Ќе учествува целиот балетски ансамбл и ученици од балетскиот оддел на ДМБУЦ „Илија Николовски-Луј“, придружени од оркестарот на Македонска опера и балет кој ќе го води диригентката Бисера Чадловска.

-Овој балет е ултимативна новогодишно-божиќна бајка – мириса на снег, карамела и на цимет. Обоен е со црвено, златно и со бело. Веројатно затоа на публиката никогаш не и е доста од „Оревокршачка“ пред и после Нова година, секоја година, соопшти МОБ во најавата на балетот.

Би можело да ве интересира

Балетските претстави „Кармен“ и „Валпургиска ноќ“ во НОБ

Ана Ололовска

Василичарскиот концерт „Легенди“ утре и задутре во Националната опера и балет

Ана Ололовска

Четири изведби на балетот „Оревокршачка“

Ана Ололовска

Балетската претстава „Оревокршачка“

Ана Ололовска

Премиера на операта „Скендербег“ на Фатос Лумани во НОБ

Ана Ололовска

Премиера на операта „Скендербег“ во Националната опера и балет

Ана Ололовска