Словенечкиот центар – Скопје и Кинотека на Македонија во соработка со Амбасадата на Словенија, Словенечкиот филмски архив и Словенечкиот филмски центар од Љубљана, организираат “Денови на словенечка култура” во земјава.
“Деновите на словенечка култура”, што се одржуваат по повод празникот “Прешернов ден’, ќе бидат одбележени со ретроспектива на словенечки филмови од 7 до 9 февруари во “Кинотека”.
Ретроспективата почнува вечер во 20:30 часот со филмот „На своја земја“ на режисерот Франце Штиглиц.
Утре од 18 часот ќе биде прикажан „За душа“ на Матјаж Клопчич, а од 20 часот уште еден филм на Франце Штиглиц „Долина на мирот“. Ретроспективата завршува на 9 февруари со филмот „Вистински копилиња“ во режија на Јоже Бевц.
Влезот за сите филмски проекции е бесплатен