Оркестарот на Централниот конзерваториум на Кина вечер, во рамки на Охридско лето, ќе одржи концерт во предворјето на црквата „Света Софија“.
Под диригенство на Ванг Фуџијан ќе настапат и пет солисти кои свират на ерху (двожична кинеска виолина), дизи (кинеска флејта од бамбус), гучин, пипа и суона (кинеска обоа).
Оркестарот изведува музика од современите кинески композитори кои создаваат дела за традиционалните инструменти, соработувајќи со истакнати музичари-изведувачи. Формиран е во 1960 година, а неговите членови се истакнати професори и одлични ученици од кинескиот музичко-инструментален оддел во Централниот конзерваториум за музика, еден од најзначајните музички институти во високото образование во Кина и во светот. На изведувачите им нуди различни можности за настапи и стекнување сценско искуство. Оркестарот е постојан учесник на различни фестивали.
Музичарите од Кина синоќа одржаа концерт во МОБ, во рамки на Скопско лето.