Комичната опера „Аптекарот“ од Јозеф Хајдн вечер премиерно ќе биде изведена на малата сцена во Македонската опера и балет, со почеток во 20 часот.
Диригент на претставата е Виктор Митровски, а режијата и сценографијата е на Уши Хорнер од Австрија. Изборот на костими е на Марта Трендафилова и концерт мајстор Климент Тодоровски.
Во премиерната изведба на „Аптекарот“ ќе настапат Дејан Стоев во улогата на Семпронио, Билјана Ѓуровска – Грилета, Менгоне – Јане Дунимаглоски и Волпино- Николина Јаневска.
Репризата на претставата ќе се изведе утревечер, со почеток во 20 часот на малата сцена во МОБ. Тогаш ќе настапат солистите Зоран Даскаловски, Александра Лазаровска – Василевски, Никола Стојчевски и Николина Јаневска.