Во дворот на Белата куќа непознат маж фрлил петарди, само неколку часа по пукотниците во зградата на командата на Морнарицата во Вашингтон, во која загинаа 13 лица, меѓу кои и напаѓачот, соопшти американската тајна служба.
Агентите во Белата куќа, откако слушнале звуци на петарди, веднаш наредиле на новинарите да влезат во зградата.
Како што е соопштено, петардите се фрлени преку северната ограда.
Во првите извештаи е наведено дека се слушнале „истрели пред Белата куќа“, за да подоцна е потврдено оти се работи за петарди.
Во видео снимката на која е забележан инцидентот, се гледа како агентите приведуваат еден маж. Портпаролот на тајната служба рече оти мажот е уапсен.