Последиците од учество во сообраќајот во услови на одвлечено внимание поради употреба на смартфон или под дејство на алкохол и психотропни супстанции ќе бидат тема на дискусија на денешната тркалезна маса што ја организира Републичкиот совет за безбедност на сообраќајот на патиштата.
На тркалезната маса, што се организира по повод одбележувањето на претстојниот Светски ден на сеќавање на жртвите од сообраќајни несреќи – 16 ноември ќе учествува и министерката за внатрешни работи Гордана Јанкулоска.
Светскиот ден на сеќавање на жртвите од сообраќајни несреќи – 16 ноември го прогласи Организацијата на Обединетите нации во рамките на глобалните напори за подобрување на безбедноста на сообраќајот на патиштата и намалување на бројот на загинати и повредени лица во сообраќајни несреќи.