На пладне започнува финалната фаза од измена на Уставот. За изгласување на амандманите и на Устаниот закон неопходно е 2/3 мнозинство, или 80 пратенички гласа.
По амнестијата и делумното исполнување на барањата на Алијансата на Албанците и Беса јасно е дека уставните измени ќе бидат изгласани, најверојатно во петок. Иако Деловникот дава по три дена да се расправа за секој од поднесените 4 амандмани, поради најавеното отсуство на ВМРО-ДПМНЕ, седницата ќе заврши во пократок рок.
Премиерот Заев прифати дел од амандманите на Алијансата за Албанците и БЕСА кои беа услов за подршка на уставните измени. Промена ќе претрпи Преамбулата, а зборот „граѓани“, нема да се споменува два пати. Се брише зборот „граѓаните кои живеат во нејзините граници“ и се набројувауваат сите заедници.
Владата ќе го прифати и амандманот кој се однесува на дијаспората и во него покрај македонскиот народ ќе бидат наведени и другите етнички заедници. Прифатливо е и Косово да биде наведено како петта држава со кога граничиме.
По Законот за амнестија, поддршката останува и од осумте независни пратеници кои произлегоа од ВМРО-ДПМНЕ и коалицијата.