Почина и седмо лице од тешката сообраќајна несреќа кај Ниш. Тешко повредена 65-годишна жена, починала по неколкудневните борби на докторите за нејзиниот живот, пренесе Танјуг.
По повеќедневни напори на лекари специјалисти на интензивна нега во Клиниката за анестезија и интензивна терапија во Ниш, дошло до нагло влошување на здравствената состојба на пациентката, се наведува во извештајот.
Во несреќата, што се случи на 21 декември во судир меѓу автобус и воз, на лице место загинаа три лица, додека две починаа истиот ден во болница. Уште едно лице им подлегна на повредите на 30 декември.