На прашкиот аеродром „Вацлав Хавел“ чешките цариници минатата недела заплениле над четири килограми хероин кои во куфер се обидел да ги пренесе српски државјанин, јави дописникот на МИА од чешката метропола.
Според царинското одделение на аеродромот, дрогата била сместена во повеќеслојни хартиени пликови и завиткана во африкански текстил кој изгледал како да е спакуван од производителот.
Момчето кое било предадено на полицијата, на чешкиот аеродром допатувало од Уганда преку Амстердам и се претпоставува дека дрогата била наменета за друг пазар. На црниот пазар во Чешка еден грам хероин се продава од 32 до 40 евра.