Кучето Марли, кое беше раскрвавено и со тешки повреди, е на ветеринар и неговата состојба се следи. Вчера здружението за заштита на животните, „Анима мунди“, кое повика за помош, објави дека повредите на Марли се исчистени и има неколку дупки во главата.
Марли наредниов период ќе остане во болнично лекување и под постојан ветеринарен надзор сè дoдека не се стабилизира. Повеќе новости за здравјето на Марли ќе соопштат утре.
Од здружението им се заблагодарија на хуманите луѓе кои му помогнаа на Марли.
„Повикавме ветеринар веднаш, однесено е веќе во ординација. Кучето беше во крвишта, вака осакатено кога дојдовме на лице место“, напишаа од „Анима мунди“. Тие апелираат дека помош во донации и натаму е неопходна.
Васко Маглешов