Проектот „Квалитетни услови за среќни деца“ доби најголема поддршка на последната, четврта сесија од Проектниот форум „Зајакнување на општинските совети“ што се одржа денеска во Струмица.
Со реализација на овој проект треба да се подобрат условите за престој на децата во „Клон 4“ на градинката „Детска радост“.
На учесниците во овој проектен циклус им се заблагодари градоначалникот Коста Јаневски кој рече дека со овој Проектен форум е потврдено дека општина Струмица има капацитет и заедно со европски партнери и самостојно да реализира значајни проекти.
Проектниот форум е финансиран во износ од 50 илјади шваjцарски франци од страна на УНДП и на Швајцарската агенција за развој и соработка.
