Започнува манифестацијата „Снежен град“ во Бунец, Маврово. Овој традиционален детски настан и годинава е во организација на Детскиот културен центар „Карпош“.
Снежниот град ќе го изградат ученици од основните училишта во Скопје, а секое училиште ќе има по десетина деца предводени од ментор. Активностите треба да завршат до 16ти месецов, кога во 11 часот ќе започне „Снежниот карван“, односно кога посетителите ќе може да ги видат фигурите и градбите изработени од снег.
Манифестацијата приклучува и други активности, како: „Снежната квизотека“, „Избор на снежна убавица“, „Снежен крос“, „Најслатка бонбона“, „Снежно бинго“, „Бал под маски“ и забава во диско за учесниците во „Снежниот град“.