Маскиран и вооружен разбојник со пиштол ноќеска околу 2 часот и 40 минути ја ограбил бензиската пумпа „Уника“ лоцирана на магистралниот пат Струга-Дебар кај село Мороишта, односно на местото „Мороишки мост“.
Како што информира портпаролот на СВР Охрид Стефан Димоски, разбојникот маскиран со карневалска маска влегол во бензиската пумпа, со пиштолот му се заканил на вработениот К.Д., да му ги даде парите.
– Вработениот му ја дал ташната во која бил дневниот промет во износ од 27.000 денари, по што разбојникот избегал, изјави Димовски.
Полицијата ги превзема сите мерки за пронаѓање на сторителот.