Општина Карпош овозможи нов начин за вклучување на граѓаните и граѓанските организации во креирање на Буџетот за 2019 година.
„Ги повикуваме сите карпошани, да го пополнат формуларот во електронска форма и да го посочат предлогот или решението за своето маало или населба (https://goo.gl/qHNsHD).
Целта на локалната самоуправа е да создаде реален и одржлив Буџет, при што ќе се стави акцент на рамномерен развој на сите урбани заедници“, соопштуваат од Општина Карпош.
Во претстојниот период, градоначалникот Стефан Богоев заедно со општинското раководство ќе имаат и повеќе теренски средби со граѓани, во пресрет на донесувањето на новиот Буџет.
Процесот на партиципативно буџетирање може да се следи на www.karpos.gov.mk