Демонстранти овозможија бесплатен паркинг во парискиот Дизниленд

Од:

Демонстрантите во Франција, кои веќе втор ден протестираат поради поскапувањето на горивата и патарините и зголемувањето на даноците, денеска со неколку десетици возила блокираа седум од деветте влезови на паркингот во парискиот Дизниленд, овозможувајќи им на посетителите бесплатно паркирање.

Како што јави весникот „Паризиен“, блокадата на паркингот на Дизниленд и бесплатното паркирање на посетителите се одвива мирно и под надзор на полицијата.

Цената за паркирање во Дизниленд чини 30 евра дневно.

Во рамки на протестите денеска се поставени блокади на околу 40 локации на автопатиштата ширум Франција, на кои се истакнати транспаренти со пораки против францускиот претседател Емануел Макрон.

Во вчерашните протести беа повредени над 400 лица, од кои 14 се во критична состојба. Меѓу повредените има и полицајци и пожарникари. За време на протестите француската полиција приведе вкупно 282 демонстранти.

Француската Влада утрово порача дека нема да ја менува нејзината фискална и еколошка политика и покрај масовните демонстрации.

Во меѓу време, француските медиуми јавија дека анкетите на јавното мислење покажуваат натамошен пад на популарноста на претседателот Макрон.

Според ноемвриската анкета на Францускиот институт за истражување на јавното мислење, само 25 проценти од испитаницте се задоловни од работата на Макрон, што е за четири процентни поени помалку во споредба со истражувањето во октомври.

Би можело да ве интересира

Ковчези оставени пред Ајфеловата кула со натпис „француски војници од Украина“

A1on

Протест во Подгорица против владината најава да ја поддржи Резолуцијата за Сребреница во ОН

Вработените во Пошта протестираат: Не знаеме кога ќе земеме плата, 2000 вработени ќе останеме на улица

Орце Костов

(ВИДЕО) Франција изгуби контрола на делови од Нова Каледонија, истрели и експлозии одекнуваат низ островот

ВИДЕО: Напад на синагога во Франција, полицијата го уби напаѓачот

(ВИДЕО) Франција прогласи вонредна состојба во Нова Каледонија

Горан Наумовски