Согласно Законот за слободен пристап до информации од јавен карактер во општина Крива Паланка во текот на 2012 година има поднесено вкупно 99 барања од граѓаните.
Барањата претежно се однесуваат за информации и документи од делокругот на работењето на општинската администрација, Советот на Општината, градоначалникот, како и документи, односно барања кои се проблематични за кривопаланчани.
Најголем број на барања, вкупно 22, се однесуваат на информации за статусни, стратешки, развојни, организациони и промотивни документи.
Потоа следуваат информации од областа на урбанизмот, сообраќајот, комуналната сфера и уредувањето на градежното земјиште.
Посебно место од извештајот е даден на информациите од областа на социјалните работи, родовата еднаквост, еднаквите можности и антидискриминацијата, јавните набавки, финансиите, културата и други прашања од работата на Единицата на локалната самоуправа.
Како што информираа надлежните сите 99 барања се позитивно одговорени согласно барањата на граѓаните, доставувајќи ги информациите во форма на желба на барателите.