[staff name=”Мики Трајковски” position=”Автор”][/staff]
Никој нема да не спречи да го поставиме Македонското знаме, ова е Македонија и ако на некој тоа му пречи тоа не е наша работа, рекоа жителите на струшкото село Мислешево кои во голем број утрово се собраа на почетокот од селото да го искажат својот револт против одлуката на надлежните инспекциски служби кои донеле решение за отстранување на постаментот каде што треба да се постави 25 метарско македонско знаме.
Знамето треба да биде поставено на видно место, веднаш покрај самиот пат Охрид- Струга, но како што велат жителите на приватна парцела сопственост на Ѓорѓи Трифуновски, а не на јавна површина.
„Ова е граѓанска иницијатива на сите жители за да се постави јарбол. Почнавме да градиме сметајки дека редиме државно знаме , а не верско или пак национално и со никакви предрасуди и знамето не е наменето против никого. Ова е државно знаме во државата наша.
– Дојде инспекција и ни рекоа да прекинеме со работа. Но им рековме дека нема да прекратиме бидејки знамето е државно. Им рековме дека има многу диви градби низ градот, срушете ги и нив, а потоа ќе рушиме и ние. Како што се вели Македонското знаме во ОН, зошто да не се вее и овде?Ние ќе го браниме до крај знамето“, рече Стрезо Јовчевски од Месната заедница во Мислешево.
Цела Струга на 28 ноември беше преплавена со албански знамиња и ние не реагиравме, ние не реагиравме ни кога се запали црква во Лабуништа, затоа сакаме да си поставиме наше знаме како што и тие си поставија вели Јовчевски.
„Знамето смета затоа што ова е предградие на Струга и е како трн во око на сите. Ова е симбол на Македонија. Како можат да поставуваат натписи по селата на албански јазик на кои има орли и албански знамиња и никој не ги трга. Бараме од локалните власти на кој начин ги поставија знамињата по тие села“ прашуваат жителите.
Јарболот жителите кои денес на мирните протести ги имаше неколку стотина претежно млади луѓе, најавија дека ќе го постават пред локалните избори.
ФОТО/ВИДЕО – A1on