Коалицијата „Сојузот за иднината“ денеска почнувајќи од населбата Ѓорче Петров го продолжува протестниот караван.
Протестот ќе започне напладне кај „Баумаркет“ и ќе се движи по булеварот „Ѓорче Петров“ кон населбата Влае и булеварот „Партизански одреди“. Преку мостот „Обединети нации“ протестот продолжува до крстосницата со улицата „Никола Парапунов“, а потоа и по улиците „Разловечко Востание“, „Љубљанска“ и „Илинденска“ во населба Карпош.
Денешниот протестен караван завршува пред Владата на Република Македонија.