Во Порта Македонија денеска ќе биде отворена изложбата „Народните носии низ објективот на Тошо Дабац“.
На изложбата ќе бидат изложени фотографии со мотиви од народни носии од различни краеви на Хрватска, Босна и Херцеговина, Македонија и други земји од регионот, кои се во сопственост на Музејот на современа уметност во Загреб.
Изложбата се реализира во соработка со Културниот центар Травно и Работилницата за заштита и изнајмување на народни носии од Загреб, а е поддржана од Министерството за култура на Хрватска.
Тошо Дабац (1907-1970) е познат хрватски и светски фотограф и еден од основачите и еден од главните претставници на таканаречената Загребска школа на уметничка фотографија. Во долгогодишната кариера има оставено зад себе повеќе од 200.000 фотографии, а негов најголем фокус била социјалната фотографија преку мотивите на животот на улица, питачи, народ на улица, циркузанти, панаѓури, процесии и сл.