Најмалку 50 летови изутринава се откажани поради снег на најфреквентниот германски аеродром во Франкфурт, а слична е ситуацијата и во Берлин и на други германски аеродроми, јавија германските медиуми.
Во најбројната германска покраина Северна Рајна Вестфалија со над 18 милиони жители се регистрирани колони возила во вкупна должина од 600 километри, што претставува рекорд за оваа година.
Денешните снежни врнежи предизвикаа голем метеж во сообраќајот низ цела Германија, додека аеродромските власти во Франкфурт соопштија дека не можат да дадат проценка за тоа каква ќе биде ситуацијата до крајот на денот во однос на откажаните летови.