СДСМ денеска ќе го продолжи протестниот караван со автомобили на членови на партијата. Караванот ќе се движи по нова маршрута која ќе се протега по сообраќајниците на населбите Аеродром, Ново Лисиче, Кисела Вода и Центар.
Колоната автомобили напладне ќе тргне од пред салата „Јане Сандански“ и ќе се движи по булевар „АВНОЈ“ кон Ново Лисиче. На крстосницата со булевар „Србија“ ќе сврти десно и ќе се движи по булеварот „Србија“ се до крстосницата кај Цементарница „Усје“, а потоа ќе продолжи по булеварот „Борис Трајковски“ поранешна „Првомајска“ кон населбата Кисела Вода.
Во населбата Кисела Вода караванот ќе се движи по улиците „Народни херои“, „Димо Хаџи Димов“ и „Антон Попов“ („Огњан Прица“), а во Центар по булеварите „Кочо Рацин“, „Св. Кирил и Методиј“ и „Водњанска“ и улиците „Васил Ѓоргов“ и „Рузвелтова“ од каде преку булеварот „Илинденска“ ќе пристигне пред зградата на Влада на Република Македонија.