Во тек е јавен повик распишан од страна на општина Крива Паланка за пријавување заинтересирани лица од општината за полагање испит за добивање сертификат за авто-такси возач.
Со јавниот повик се повикуваат сите заинтересирани лица од Крива Паланка за сертифицирање во такси службата, а испитот ќе го врши посебен правен субјект кој ги исполнува сите законски услови за спроведување полагање.
Право на учество имаат сите заинтересирани лица од општината кои мора да имаат потврда за завршена обука од правно лице овластено од општината за стручно оспособување на кандидатите.
Испитот ќе го спроведе посебна комисија, формирана од градоначалникот, а истиот ќе се одржи на 25 октомври, четврток.
Документите за пријавување се поднесуваат до архивата на локалната самоуправа на општината, најдоцна два дена пред денот на одржување на испитот.
Испитот се спроведува еднаш месечно, се состои од два дела: теоретски и практичен дел, со тематски прашања од областа на безебдност во сообраќајот и превоз на патници.