Ураганот „Лесли“ ја зафати Португалија со силни удари на ветер кој искорна стотина дрвја, а повеќе од 15.000 домаќинства остави без електрична енергија.
Надлежните служби ги предупредија граѓаните да останат во своите домови, а речиси сите летови од Португалија се откажани.
Регистрираната брзина на ветерот била 176 километри на час.
Во налетот на ураганот 27 се повредени, а 60 биле приморани да се евакуираат. Метеоролошката служба во Португалија издаде црвен аларм за силни ветрови и опасни временски услови во 13 од вкупно 18 дистрикти на копното.
Многу ретка е појавата ураган од Атлантикот да стигне до полуостровот и се смета дека ова до сега е најсилното невреме кое ја зафатило Португалија од 1842 година.
Ураганот се движи кон Шпанија, а се предвидува дека областите Астуријас, Леон и Кантабрија ќе бидат зафатени со многу обилни врнежи.