Леброн Џејмс по неуспешното деби во дресот на Лос Анџелес лејкерс истакна дека му е потребно време да се навикне на новата средина.
– Работите се поинакви кога ќе го смениш клубот. Така било секогаш кога сум одел на ново место, потребно е време да се навикнам. Работевме на координацијата една недела и беше добро што имавме можност да играме со вистински противник, а не меѓу себе. Имаше периоди кога топката не одеше каде што сакаме и ќе треба да поработиме на тоа, истакна Џејмс.
Тој на теренот помина 15 минути, а реализираше девет поени и по три скока и асистенции.
Неговиот нов клуб загуби од Денвер нагетс со 124:107 на подготвителниот натпревар одигран во Сан Диего.