СДСМ денеска, во писмена реакција до медиумите, го повика претседателот на ВМРО-ДПМНЕ и премиер Никола Груевски да излезе на слободни, фер и демократски предвремени парламентарни избори.
Тогаш, наведува СДСМ, Груевски ќе се соочи со вистината колку навистина го сакаат граѓаните.
„Никола Груевски се наоѓа во голема каша!
– Секој пат кога се сили пред неговите сопартијци и секогаш кога почнува да го форсира спорот за името во корист на својата дневно политичка реторика, тоа е најдобра потврда дека и самиот знае дека ја губи поддршката на граѓаните.
– Колку и да се обидува да го игнорира, режимскиот премиер не може да избега од фактот дека неговите методи на владеење и тој лично, се одговорни за политичката криза во која се наоѓа земјата.
– На крај му порачуваме, наместо да се сили пред своите, нека излезе на слободни, фер и демократски предвремени парламентарни избори.
– Тогаш, ќе се соочи со вистината колку навистина го сакаат граѓаните“, се вели во реакцијата на СДСМ на изјавите на Никола Груевски.