Во организација на Здружението на судии на Република Македонија денеска во Скопје ќе се одржи VIII Регионална работилница по повод формирањето на Судско медиумскиот совет.
Настанот, како што велат од ЗСРМ, е финален резултат од проектот „Зајакнување на улогата и независноста на судиите во Република Македонија“ – овозможен и имплементиран во соработка и со финансиска поддршка на Амбасадата на САД во Република Македонија.
Работилницата е конципирана во два дела. Првиот панел е предвиден за конститутивна седница на Советот, а вториот панел го опфаќа мониторинг и следење на судења со видео опрема, како и менаџирање на комплексни судски процеси и гонење на транснационален економски криминал.
По одржување на конститутивната седница, утре ЗСРМ ќе одржи свечена промоција на Судско – медиумскиот совет.