Струшката општа болница денеска доби донација од околу 1.000 постелнини, два транспортни уреди за пренос на постелнина и две колички за неподвижни лица.
Донацијата е од браќата Наим и Шптим Асани од САД, а ја прими директорот на Болницата Реџеп Даути, кој упати благодарност до семејството.
– Денеска добиваме медицинска донација, која ќе ја користат пациентите хоспитализирани во нашата болница. Им благодариме на браќата Асани за оваа донација, рече Даути.
На предавањето на донацијата присуствуваа заменик-министерот за здравство Асим Муса и претставници на општина Струга.
