На барање на граѓаните рекреативци денеска во Градскиот парк во Велес стартува измената на сообраќајниот режим на пристапната улица.
Градоначалникот Аце Коцевски на прес-конференција соопшти дека е поставена вертикална сообраќајна сигнализација, со која се утврдува забрана на движење на моторни возила на оваа пристапна улица. Временското ограничување за летниот период е од 6:00 до 9:00 часот и од 18:00 до 21:00 часот, додека за зимскиот период од 6.00 до 9.00 часот и од 17:00 до 20:00 часот.
– Оваа забрана не се однесува на возилата за итна медицинска помош, возилата на противпожарната единица и возилата на МВР, рече Коцевски.