Без електрична енергија од 07:30 до 09:30 часот ќе бидат корисниците од селата Љуботен и Љубанци, во општина Бутел и селото Раштак, во општина Гази Баба.
Како што информира Регионалниот центар за управување со кризи на Град Скопје, прекинот е заради технички зафати во дистрибутивната електро мрежа.
Без струја од 08:30 до 11:00 часот, ќе бидат и корисниците од улица „12“ во село Долно Соње, во општина Сопиште.
Од 08:30 до 11:30 часот, без електрична енергија ќе бидат и корисниците од зградата „Палата Македонија“ на улица „Македонија“, во општина Цента.
Без напон од 08:30 до 14:00 часот, ќе бидат корисниците од дел од село Брњарци, додека од 08:30 до 14:30 часот, корисниците од населба Стајковци, во општина Гази Баба.
Од 09:00 до 11:00 часот, без електрична енергија ќе бидат корисниците од дел од улиците „Борис Бојаџиски“, „Андон Кецкаров“, „Бертнард Расел“ и „Моцартова“, во општина Ѓорче Петров.
Без струја од 12:30 до 15:00 часот, ќе бидат корисниците од дел од улица „Лесновска“ , поточно куќните броеви, „2“, „4“, „6“ и „8“., во општина Карпош.