Јужнокорејскиот производител на автомобили КИА на претстојниот Саем на автомобили во февруари во Чикаго ќе претстави концепт возило со кое ќе го најави идниот голем кросовер модел на компанијата.
Првите фотографии, што КИА ги објави пред Саемот во Чикаго, ја откриваат силуетата и предниот дел на возилото на кој доминира маската од ладилникот обликувана во склад со новата дизајнерска филозофија на компанијата „тигарски нос“.
КИА Крос ГТ концепт има модерен спортски изглед, а благодарение на тесните светла и истакнатиот преден дел малку потсетува на моделот Ренџ Ровер Евоук.
Компанијата наведува дека овој концепт сака да го најави новиот стилски јазик што ќе биде застапен кај идните премиум модели од Crossover Utility Vehicle сегментот.
КИА не објави повеќе детали за идниот модел, освен дека ќе заземе место над новото Соренто во гамата модели на компанијата.