Градоначалникот на Гази Баба, Борис Георгиевски, по повод верскиот празник Курбан Бајрам упати честитка до сите граѓани од исламска вероисповед во Република Македонија.
„Сите граѓани кои го славите празникот Курбан Бајрам, посакувам празничните денови да ги поминете во среќа, мир, здравје, благосостојба и спокој. И во иднина да продолжиме заеднички да придонесуваме за развој на мултикултурата, соработката и соживотот, стремежи кои ќе го направат општеството подобро место за живеење на сите граѓани.
Сплотени, заеднички, свртени едни кон други, да делуваме општина Гази Баба да ја направиме достојна за секој, а по почитта на различностите да бидеме уникатни.”