Железничкиот внатрешен сообраќај и денеска е во прекин откако вчера попладне машиновозачите стапија во штрајк. Причина за штрајкот, според Независниот синдикат на машиновозачите при МЖ Транспорт, е нередовната исплата на платите и ненавременото добивање сини картони.
Од Железничката станица во Скопје потврдуваат дека по стапувањето во сила на штрајкот има целосен прекин на сообраќајот.
Синдикатот вчера почна преговори со ресорното Министерство и најави дека штрајкот ќе трае се додека не се исполнат поставените барања.
Кон одлуката за штрајк на Независниот синдикат се приклучија и други синдикати во МЖ Транспорт.