Осумината момчиња кои беа спасени од пештерата во Тајланд се во добра ментална и физичка здравствена состојба, соопштија владини претставници. Тие биле подложени на медицински прегледи и две момчиња се лекувани поради проблеми со белите дробови. Според информациите, момчињата ќе бидат набљудувани во болница наредните седум дена.
Мисијата за спасување започна повторно утрово, со надеж дека нуркачите ќе ги извлечат останатите од групата. Четворица момчиња и нивниот тренер се се уште длабоко во пештерата. Тие се со доктор и со нуркачи кои се грижат за нив и доколку овозможат условите, сите деветмина ќе ја напуштат пештерата и операцијата конечно ќе заврши.
Акцијата започна во 10 часот по локално време со 19 нуркачи упатени кон пештерата.