„СДСМ со капитулантскиот договор ги обесчестува Република Македонија и нејзините граѓани.
Со срамниот и капитулантски договор Зоран Заев се откажува од името, нацијата, идентитетот, македонското малцинство насекаде во светот“, рече Димче Арсовски, портпарол на ВМРО-ДПМНЕ.
„Џафери и Костовски најавувајќи дека ќе ги објават во Службениот весник без потпис од Претседателот Иванов, законите за ратификација на срамниот Договор помеѓу Република Македонија и Грција, како и законот за јазици, ќе го прекршат најсрамно законот и Уставот“, додаде портпаролот на ВМРО-ДПМНЕ.
Доколку го направат истото за едниот закон, вели Арсовски, на Џафери и Костовски им се заканува затворска казна од најмалку 5 ипол години за злоупотреба на службената должност и самовластие, а исто така толкава затворска казна им е запретена и за другиот закон доколку го објават во Службениот весник без потпис од Претседателот Иванов.