Епл изгуби околу 50 милијарди долари од пазарната вредност со најголемиот пад на вредноста на акциите во еден ден во последните четири години.
Според Би-би-си, акциите на Епл потонаа за 12% затоа што инвеститорите стравуваат дека компанијата би можела да го изгуби доминантното место на пазарот на паметни телефони.
Со тоа Епл изгуби околу 50 милијарди долари од пазарната вредност со најголемиот пад на вредноста на акциите во еден ден во последните четири години.
Вредноста на акциите се намали за една третина од септември минатата година наваму поради загриженоста дека компанијата ја губи предноста пред останатите конкуренти. Моменталната цена на акциите изнесува 460 долари, во споредба со повеќе од 700 долари пред четири месеци.