Ниту лошото време, ниту дождот кој неколку часови паѓа во Кочани, не ги спречи граѓаните од масовно да излезат на маршот што го организираше здружената опозиција Сојузот за иднината, пренесе порталот Комарец.
Маршот под мотото „Отпор против режимот“ започна од крстосницата „Кај Чепленот“ од каде граѓаните се упатија преку мостот на улицата „Стево Теодосиевски“ па по улиците „Кеј на Револуцијата“ и „Маршал Тито“ пристигнат кај „Шопинг Центарот“ каде и се одржа Граѓанскиот парламент.
Најпрвин на насобраните граѓани им се обрати репресираниот професор Александар Симеонов, а потоа и сточарот – земјоделец Влатко Трајанов, од името на младите Гордана Трајановска и Претседателот на ОК ВМРО НП од Кочани, Љупчо Стојилков.
Претпоследен обраќање имаше Миле Андонов, актуелен пратеник во Собранието на Република Македонија и кандидат за Градоначалник на Општина Кочани на претстојните Локални избори од „Сојуз за иднината“.
Граѓанскиот парламент го затвори Зоран Јовановски, потпретседател на СДСМ.