Во пресрет на Светскиот ден на крводарителите 14 јуни, денеска во просториите на Општинската организација на Црвениот Крст – Штип се одржа крводарителска акција на која беа собрани над триесетина крвни единици.
Викторија Андонова, секретар на ОО Црвен Крст – Штип вели дека е задоволна од акцијата, а воедно упати и апел до сите крводарители.
– Ги повикувам сите крводарители во четврток во Дом на млади со почеток во 19:00 часот, на свечено доделување на признанија, значи и благодарници за јубилејните крводарители, вели Андонова.
По повод Светскиот ден на крводарувањето и други општински организации на Црвениот Крст во источниот регион најавија дека ќе организираат вакви акции.