Ректорот на универзитетот „Гоце Делчев“(УГД) – Штип, Блажо Боев е избран за дописен член на Македонската Академија на науките и уметноста (МАНУ), со што овој универзитет го доби и првиот академик меѓу наставниот кадар.
– Тоа е една високо образовна установа, во која се развиваат науките и уметностите на еден исклучителен степен на развој. Мислам дека и за самиот Универзитет претставува особена потврда на неговата работа заради тоа што една највисоко научна установа. Мислам дека е исклучително важно да имаме член во МАНУ, бидејќи со тоа го потврдуваме и нашето присуство на високо образовнииот и научен простор во Република Македонија, вели Боев.
Тојод младиот наставно-научен кадар очекува да аплицира за членство во ваквите институции, бидејќи, како што вели, имаат солиден потенцијал.
Академик, Боев, кој воедно е и ректор на УГД-Штип својата кариера ја започнува пред три децении на Рудраско-геолошкиот факултет во Штип при универзитетот „Свети Кирил и Методиј“ во Скопје.
Познат е по низата научни истражувања како во земјава, така и во странство, а на македонската јавност и на медиумите и е познат како еден од најголемите истражувачи и познавачи на рудникот „Алшар“, односно тој учествува во мулти проектот Lorex, чија главна цел е откривање соларни неутрони со помош на изотопот на оловото – 205 во минералот лорандит од лежиштето Алшар.
Во овој проект учествуваат научните гиганти, како што се институтите Аргон во САД, ГСИ-Дармштат во Германија и Рикен од Јапонија. Боев учествува и во научните истражувања во областа на геохемијата на животната средина, а е и еден од основачите и на научно-истражувачкиот центар при УГД-Штип.