Палестинското Министерство за образование во Газа покрена камп за воена обука за средношколци. Воената обука вклучува војнички марш, користење оружје, гаѓање, качување и вештини за борба гради-во-гради.
Обуката има за цел оспособување млади лица против израелски напади.
Главниот офицер за тој проект од Единицата за национална безбедност на Палестина полковник Мохамед ен-Нехале за Анадолија вели дека обуката почнува со почетокот на школската година.
Тој додава дека средношколците освен практичен дел имаат и теоретска обука за одбрана на татковината.
– Цел е да се зајакнат телата на младите луѓе и да бидат способни за борба, вели Нехале.
Полковниот Нехале вели дека на обуката има пет илјади средношколци од различни делови на Газа.
Шефот на службата за односи со јавноста во Министерството за образование Мутасим ел-Млинави рече дека тој проект го почнал поранешниот претседател на палестинските територии, Јасер Арафат.
– Со таа програма настојуваме во хармонија да бидат физичката и духовната обука. Тие млади луѓе ги подготвуваме за периодот на „слободна Палестина“, изјави Минави за Анадолија.