Турција планира во Истанбул да направи најголем аеродром во светот, кој може да прими 150 милиони патници, а вредноста на проектот е 7 милијарди евра.
Тендерот е распишан за лизинг од 25 години, а изградбата се планира во четири фази. Крајниот рок за доставување на понуди е 3 мај оваа година.
Завршетокот на работите во првата фаза се планира за 2017 година и тогаш капацитетот на аеродромот ќе биде 90 милиони патници.
Новиот аеродром значително ќе го зголеми вкупниот капацитет на сообраќајот во регионот, а ќе ја засили и улогата на Истанбул каде се наоѓа седиштето на турскиот национален авионски превозник „Туркиш ерлајнс“.