Јавното претпријатие „Паркинзи на Општина Центар“ најави засилени контроли на паркиралиштата и казни за сите непрописно паркирани возила. Само во текот на вчерашниот ден биле казнети 162 возачи кои не биле прописно паркирани.
Директорот на ЈП „ПОЦ“, Васко Кичевски заeдно со надлежните служби од вчера на терен почнаа да вршат зајакнати контроли на паркиралиштата со кои стопанисува претпријатието. „Екипите на ЈП ‘ПОЦ’ секојдневно ќе ги санкционираат сите непрописно паркирани возила кои ќе бидат затекнати на паркиралиштата со цел да се реши проблемот со нeправилното паркирање и сообрќајниот метеж во Општина Центар“, велат од претпријатието.
Во текот на вчерашниот ден беше извршена детална контрола во Зона 1 и Зона о1 и беа санкционирани 162 непрописно паркирани возила, а во наредниот период контролите ќе продолжат и на другите паркиралишта со кои стопанисува претпријатието.
