Вработените во Јавното комунално претпријатие „Гази Баба 2007“ денеска добија нови работни униформи. Новата опрема на комуналците од Гази Баба им ја доделија градоначалникот на општината, Борис Георгиевски и директорот на ЈКП, Влатко Митовски.
– Новите работни униформи за сезонските работници во ЈКП Гази Баба пред се обезбедуваат заштита на работниците при работа, а вработените ќе бидат полесно препознатливи за граѓаните, нагласуваат од Гази Баба.
Од општината информираат дека бројот на сезонски работници е зголемен, набавена е опрема за одржување на хигиената и јавното зеленило. Набавен е и багер со кој ЈКП Гази Баба ќе може да ги одржува редовно каналите во општината. Дополнително набавени ќе бидат и два камиона, од кои кипер и еден камион со корпа.
Од Јавното претпријатие веќе започнаа со обнова и поставување на нова урбана опрема на целата територија од општината.
