Стартот на кошаркарски спектакл – турнирот „FIBA 3х3 Skopje City Mall 2018“ се одлага за две седмици поради најавените поројни врнежи од дожд за почетокот на јуни.
Новиот термин за турнирот е од 15 до 17 јуни, на катната гаража во „Skopje City Mall“.
– Терминот за одржување на настанот што претходно беше закажан од 1 до 3 јуни, е променет поради најавените поројни врнежи и лоши временски услови. Бидејќи настанот е предвидено да се одржува на отворено, лошите временски неприлики би ја оневозможиле неговата реализација на највисоко ниво, соопштија организаторите.