„Млади за Македонија“ застана зад уште еден протест, овој пат во Охрид, на кој присуствуваа мала група, воглавно повозрасни граѓани.
Тие ги упатија веќе познатите пораки за зачувување на името, државата и суверенитетот, а притоа го повторија ставот за геноцидот кој, велат, се врши врз македонскиот народ.
„Ќе застанеме на браникот на државата и нема да дозволиме промена на името“, порачаа организаторите, застанувајќи и во одбрана на Македонците кои живеат во Грција, за кои велат дека се оштетени и немаат никакви права да говорат отворено за своето потекло.
Според организаторите на протестот, разнебитувањето на Македонија започнало од моментот на објавувањето на албанската платформа.
Протестот се случуваше на денот на одбележувањето на 1000-годишнината од постоењето на Охидската артиепископија, во знак на поддршка на афтокефалноста на Македонската Православна Црква и против мешањето на други цркви кои се против постоењето на МПЦ, образложија организаторите.
Кристијан Ландов