Рускиот претседател Владимир Путин денеска изјави дека му е драго што поранешниот руски агент Сергеј Скрипал е пуштен од болница и му посака брзо закрепнување.
– Доколку беше употребен боен отров како што тврдат британските колеги, тој би починал на лице место, рече Путин на заедничка прес-конференција со германската канцеларка Ангела Меркел.
Скрипал и неговата ќерка Јулија беа пронајдени без свест во англискиот град Солзбери на 4 март.
– Фала Богу што се опорави и излезе од болница. Се надевам дека ќе биде жив и здрав, рече Путин.