Сe одржа првиот Општински Совет за превенција од детско престапништво, согласно Законот за правда на децата, составено од членови од различни владини и невладини институции.
На конститутивниот состанок присутните го искажаа своето задоволство од иницијативата на општината за формирање на тело кое ќе допринесе за подобра соработка меѓу институциите и невладиниот сектор, а во насока на надминување на проблемите со кои се соочуваатдецата и младите на подрачјето на општина Гази Баба.
Во наредниот период ќе биде изработен Акционен план според кои ќе се прецизираат насоките, мерките и активностите кои ќе се реализираат во соработка на Советот на Гази Баба, полициската станица Гази Баба, основните училишта, месните и урбаните заедници.
Во периодот кој следи во н.м Стајковци ќе биде пуштена во употреба и канцеларијата за превенција која ќе им биде достапна на сите граѓани од општина Гази Баба, соопштуваат од Општина Гази Баба.