Матурантите од струмичките средни училишта почнаа со славење на матурирањето на плоштадот „Гоце Делчев“.
Со песни, ора и чочеци денеска славеа матурантите од Гимназијата „Јане Сандански“, а вчера истото го направија и матурантите од Средното училиште „Димитар Влахов“.
Според матурантите, станува збор за традиција која од порано се практикува и тие само ја продолжуваат во пресрет на официјаните матурски прослави.
Утре точно напладне во Струмица, како и во други градови во државата, ќе се одржи традицоналниот матурски квадрил, на кој ќе танцуваат завршените средношколци.