Во областа на комуналната инфраструктура Општина Велес работи неколку значајни проекти.
Како што информира градоначалникот Аце Коцевски, се работи на изведба на нова водоводна линија од Велес- од месноста Багремче во Нова Населба преку населбата Превалец до селото Горно Оризари.
– Договорот е веќе потпишан изведувачот е избран и очекуваме секој момент да се отпочне реализацијата на овој голем проект со кој ќе се реши проблемот со водоснабдување на Горно Оризари и воодно ќе бидат заменети старите штетни за здравјето азбесни цевки, појасни Коцевски.
Градоначалникот информира дека Општина Велес работи на нова водоводна линија од Велес преку село Раштани до село Бузалково за обезбедување квалитетна вода за пиење од градскиот водоводен систем на Велес за овие села.
– Штом ќе бидат финализираните сите детали во Министерството за транспорт и врски ќе биде распишан тендер и избран изведувач, појасни Коцевски.